Muji 無印指甲油

左：nail color   右：base coat

每支各＄50

第一篇就介紹呢樣，因為真係近期買落最鍾意既一樣野！
指甲油我用過unt，étude house，pa，missha，innisfree，bourjois同skinfood
當中比較鍾意既係missha同bourjois，尤其係missha既掃闊而平，可以搽得比較均勻
o岩哂我呢啲手殘人士。（btw missha 竟然新年全線執笠，好震驚）


但而家最愛既竟然係muji！
真係好好好好好好用啊啊啊啊啊啊！（失控暴走）
完全冇諗過會俾無印既指甲油收服左。
我買既係色號係beige，
試過網拍unt好多nude color既指甲油，但由於我手殘，
成日搽唔乾，第二朝訓醒有d被既紋印左上去.......真係好崩潰。
而且網拍冇得試色，我揀左d色都好顯黃顯黑......唉（除左一隻紅色我超鍾意之外，果次網拍返黎5支unt我都麻麻地，好少搽，下次再打一篇分享）
回到正題。

因為以前中學雞時代買過muji既洗臉同胭脂，都麻麻地。之後就一直都好少試muji啲skincare同make up類既野。
果日咁岩見到呢支甲油，本來都冇諗住買，見隻色好似幾靚，就試下啦，一試就hihi了。
嗚，好靚呀～～～～～快乾（手殘恩物），透薄，有一種好自然既透明感。
搽一層透明感好強，不過缺點係太透，遮唔到白邊。（如果唔係我一定剩係搽一層）

效果圖（手機＋室內燈 影唔到果種感覺，搵日得閒再影）
呢個時候已經搽左5，6日左右，邊邊位有少剝落。
佢應該仲有兩隻顏色，但試上手都唔靚，所以冇買。

＊我所有分享既野都係自購的，就算日後有試用都一定會清楚列明。
    而每個人既狀況都唔同，適合我既唔一定適合你，所以買野之前一定要試清楚，唔好人話好你又話好，（我以前中過唔少伏了）做個精明消費者！